Përparim Bajrami doli nga burgu i Shutkës, ja çfarë pasurie la si garancion

Këshilli Penal pranë Gjykatës Themelore Penale në Shkup ka pranuar garancinë prej 1.140.781 eurosh, e ofruar në formë të pronës së paluajtshme, dhe ka marrë vendim për heqjen e masës së paraburgimit ndaj Përparim Bajramit, të akuzuarit të parë në rastin e njohur si “Lotaria”.

Sipas deklaratës së avokatit mbrojtës dhënë për TV21, garancia nuk është vënë nga pasuria personale e Bajramit, por përfshin prona të paluajtshme të prindit të tij, si dhe prona të një subjekti juridik apo kompanie, emri i së cilës nuk është bërë i ditur.

Vendimi është bërë i plotfuqishëm pasi prokurori publik dhe palët hoqën dorë nga ankesa, ndërsa Bajrami pritet të lirohet nga Burgu i Shkupit pas regjistrimit të hipotekës në Kadastër.

Për të garantuar praninë e tij në gjykatë, atij i janë caktuar masa shtesë kujdesi, duke përfshirë konfiskimin e pasaportës, ndalimin e nxjerrjes së dokumentit të ri të udhëtimit dhe detyrimin për t’u paraqitur rregullisht në institucione.

Ndaj Bajramit, më 13 gusht 2026, u ngrit aktakuzë për “keqpërdorim të pozitës dhe autorizimit zyrtar”, vepër që parashikon deri në pesë vjet burg. Pasi më parë kishte qenë i paarritshëm, ai u dorëzua vetë më 9 shtator për të vuajtur paraburgimin, i cili sipas Ligjit për Procedurë Penale për këtë lloj aktakuze zgjat më së shumti 60 ditë deri më 8 nëntor.
Në seancën e 18 shtatorit, ai u deklarua i pafajshëm.

Në këtë rast, përveç Bajramit, të akuzuar janë edhe ish-zëvendëskryeministri Artan Grubi, ish-sekretari i Qeverisë Metodija Dimovski dhe pesë ish-anëtarë të Bordit Mbikëqyrës. Ata akuzohen se i kanë shkaktuar dëm SHA “Lotaria Shtetërore” prej rreth 9,7 milionë eurosh, përmes një vendimi qeveritar për blerjen e terminaleve të videolotarisë dhe organizimin e pavarur të lojërave të fatit, pavarësisht se kjo e drejtë që nga viti 2013 ishte investuar si kontribut jomonetar prej 6,2 milionë eurosh në kompaninë e përbashkët me “Casinos Austria”.(INA)

Lajmet e fundit

Semaforët jashtë funksionit vështirësojnë qarkullimin dhe rrezikojnë sigurinë e qytetarëve

Gazetar: Jahja Abazi - Alsat Mosfunksionimi i semaforëve në këtë...

Pajaziti: Pse heshtë Fatmir (Mos)Besimi për Alta Bankën!?

Shkruan: Naser Pajaziti Në gjithë debatin për Alta Bankën serbe...

Gostivar, dhunë në familje, policia privon nga liria dy persona

Policia ka privuar nga liria dy persona në rajonin...

Në 60 komuna ka më shumë vdekje se lindje, nataliteti bie për 31% brenda një dekade

Në 60 nga 80 komunat e Maqedonisë së Veriut...

BDI: Qeveria VMRO-VLEN ia hapi dyert Alta Bankës së Beogradit

Bashkimi Demokratik për Integrim (BDI) ka reaguar ndaj deklaratave...

Popular Categories