Në shkollën “Ismail Qemali” në Çair është mbajtur një aktivitet ndërgjegjësues në kuadër të Tetorit Rozë, me fokus rëndësinë e parandalimit dhe zbulimit të hershëm të kancerit të gjirit.
Kryetari i Komunës së Çairit, Izet Mexhiti, ka bërë të ditur se në këtë aktivitet, së bashku me Dr. Ilir Ismailin, mësimdhënësit dhe nxënësit, është diskutuar për rëndësinë e informimit dhe ndërgjegjësimit për këtë sëmundje.
Përmes një statusi publik, Mexhiti theksoi se Komuna e Çairit do të vazhdojë të mbështesë nisma të tilla, duke synuar promovimin e parandalimit dhe krijimin e kushteve për kontrolle të rregullta shëndetësore.
“Zbulimi i hershëm shpëton jetë”, është mesazhi që përcolli Mexhiti, duke nënvizuar rëndësinë që ndërgjegjësimi për kancerin e gjirit të shtrihet në çdo familje.
Tetori Rozë shënohet çdo vit për të rritur ndërgjegjësimin për kancerin e gjirit dhe për të inkurajuar kontrollet e rregullta, informimin dhe kujdesin ndaj shëndetit.



