Deputetet e VLEN-it, Feride Haxhiu dhe Mimoza Musa, solidarizohen me studentët në Tiranë

Deputetet e VLEN-it, Feride Haxhiu dhe Mimoza Musa, kanë shprehur solidaritet me studentët dhe të rinjtë që po protestojnë në Tiranë, duke kërkuar respektimin e të drejtës për protestë, lirisë së shprehjes dhe garantimin e sigurisë së tyre.

Përmes reagimeve në rrjetet sociale, të dyja deputetet kanë shprehur shqetësimin për situatën në kryeqytetin shqiptar, duke theksuar se të rinjtë nuk duhet të shihen si kundërshtarë të shtetit, por si pjesë thelbësore e së ardhmes së Shqipërisë.

“Tirana sonte na dhemb të gjithëve!”, ka shkruar deputetja Feride Haxhiu, duke vënë në pah rëndësinë e zërit të të rinjve dhe të drejtën e tyre për të shprehur pakënaqësitë.

“Të rinjtë nuk janë armiq të shtetit! Janë fëmijët e vendit, janë e ardhmja e tij!”, ka theksuar Haxhiu, duke shprehur mbështetje për studentët dhe të drejtën e tyre për të protestuar.

Ajo e ka përmbyllur reagimin me një mesazh kundër dhunës dhe heshtjes përballë padrejtësive.

“Me studentët, me rininë, me të drejtën për të ngritur zërin! Dhunës nuk i thuhet po, padrejtësisë nuk i heshtet!”, ka shkruar Haxhiu.

Edhe deputetja e VLEN-it, Mimoza Musa, ka shprehur solidaritet me studentët, duke u ndalur veçanërisht te shqetësimi i prindërve për sigurinë e fëmijëve të tyre kur ata dalin në protesta për të kërkuar të drejtat.

“Asnjë prind nuk duhet të ketë frikë për fëmijën e tij vetëm sepse ai ngre zërin. Asnjë student nuk duhet të ndiejë pasiguri kur kërkon të drejtat e tij”, ka shkruar Musa.

Ajo ka theksuar se institucionet kanë përgjegjësi të garantojnë sigurinë e studentëve, të dëgjojnë kërkesat e tyre dhe të respektojnë dinjitetin e tyre.

Në fund të reagimit, Musa ka bërë thirrje për solidaritet me studentët shqiptarë, duke nënvizuar se mbrojtja e të rinjve është e lidhur ngushtë me mbrojtjen e shpresës dhe të ardhmes së shoqërisë.

“Solidaritet me studentët e Shqipërisë!”, ka përfunduar deputetja e VLEN-it.

Reagimet e dy deputeteve vijnë në kohën kur protestat në Tiranë kanë nxitur diskutime për të drejtën e të rinjve për të protestuar, përgjegjësinë e institucioneve dhe rëndësinë e garantimit të sigurisë së pjesëmarrësve në tubime publike. përcjell Zhurnal.mk .

Lajmet e fundit

Maksit i “djegë” jurisprudenca në shqip, kërcënohet me braktisjen e Qeverisë

“Lëvizja ZNAM nuk do të pranojë që provimi i...

Mbi 1.300 vepra penale të dhunës në familje të regjistruara në nëntë muajt e parë të vitit 2026

Gjatë periudhës janar–shtator 2026, në territorin e vendit janë...

Inaugurohet ndriçimi i Urës së Gurit në Shkup, Sali i pranishëm në ceremoni

Në Shkup është inauguruar ndriçimi i ri i Urës...

E detyronte nënën 80-vjeçare të kërkonte lëmoshë, pastaj ia merrte paratë me dhunë

Një 60-vjeçar nga Gostivari është arrestuar nën dyshimin se...

Popular Categories