“Sigurimi dhe kryeministri nuk duhet të kenë frikë se kryeministrit mund t’i ndodhë diçka në Kuvend.”
Deputeti Rijad Shaqiri nga Aleanca për Shqiptarët i kërkoi kryeministrit Hristijan Mickoski që t’i tregojë sigurimit të tij se ku e ka vendin.
Në seancën për pyetjet e deputetëve të opozitës, Shakiri tha se, gjatë hyrjes në Kuvend, kishte pasur një problem me sigurimin e kryeministrit.
“Pasi e parkova makinën time para Kuvendit, sigurimi i kryeministrit më tha që ta parkoja automjetin diku tjetër, sepse ai vend ishte i rezervuar për sigurimin. U thashë se nuk do ta lëvizja makinën, ndërsa ata m’u përgjigjën se do të thërrisnin karrotrecin për ta tërhequr automjetin tim.
Unë nuk e lëviza makinën dhe hyra në Kuvend.
Sigurimi dhe kryeministri nuk duhet të kenë frikë se kryeministrit mund t’i ndodhë diçka në Kuvend.
Po ju drejtohem juve, kryeministër: sigurimi duhet ta dijë vendin e vet. Sigurimi mund t’ju shoqërojë deri te ambientet e Kuvendit dhe kaq. Sigurimi nuk mund t’i drejtohet në atë mënyrë një deputeti”, tha Shakiqi.



